老友M有Preview戲票, 昨晚九點半, Pride and Prejudice。第一時間想「不是嘛！傲慢與偏見？文學名著？文藝片（仲要係十級個隻), 會唔會好悶架？」Well, 咁唔使錢又睇下冇蝕底既!
女主角原來係《真的戀愛了》位靚女, 都好, 夠醒神! (大銀幕愛情故事冇返一兩個俊男美女點得!)。老實講原著真係未睇過(連中文譯版都未掂過), 但睇完套戲, 即刻想借本原著由頭睇到尾, 因為對白實在正! 完全係個種轉彎抹角, 踩你唔知, 鬧你唔覺的英式尖酸, 就算示愛求婚也別出心裁!
雖然故事係百年前, 但當中刻劃的男女愛情心態跟現代冇分別, 睇得有共鳴又感慨, 過左咁多年, 女人的終極事業 / 成就都係搵返個好歸宿......
講返套戲, 我覺得casting唔錯, 女主角靚之餘有種慧黠既氣質, 男主角唔算靚仔, 但深沉得來你會信佢係個深情好男人, 其他side cast如女主角的家人, 男主角的好友和其妹都好好, 唯是女主角的家姐唔夠靚, 話係小鎮第一美女, 就爭左少少信服力囉!