呢輪睇左幾套舊片, 都係無端端係有線「撞」到睇, 有d睇過(我記性差, 套戲睇過一次通常唔係太有印象), 有d未睇過:-

時光倒流七十年
雖然話到尾係大團圓結局, 但係要「監」生餓食超人, 兩個要死咗先可以係埋一齊, 好慘情!
p.s. 女主角戲中戲套衫勁靚, 有機會著就好喇!

我愛碧咸
姬拉麗莉演男仔頭都原來有說服力 (演技ok, 同埋可能佢無身材, 哈哈!) , 都係勵志片一套, 最好笑係姬拉麗莉阿媽懷疑個女係同性戀。我覺得編導太「好心」,女主角結局有得踢波, 攞埋獎學金去美國, 阿教練(雖然唔靚仔)仲做埋男朋友, 真係要乜有乜, 似乎太夢幻!!

大魚奇緣
添布頓作品,講父子情, 講故事既故事, 有時又係, 人生本來就係咁平凡咁悶, 加D想像力, 件事有趣, 無傷大雅, 俾我揀, 都係揀故事版, 而非生活版。
p.s. 今次同去戲1院睇個次, 都係miss左個開頭, 真係無緣!

芝加哥
睇完令人幾興奮的音樂劇電影, 雖然去到後面會覺得用個種華麗手法的歌舞段落有d重複(特別係法庭玩曬馬戲團個段), 但比起套《如果．愛》, 真係超班幾十倍!

天下無雙
唔知點解,幾鍾意呢套戲, 唔係因為王菲偉仔, 都唔係因為趙薇張震, 總之鍾意, 算係港產愛情片至愛頭五位。搞笑得黎唔算好白痴, 最鍾意係朱茵個角色, crossover西遊記, 掂呀! 

戀愛行星
林嘉欣+謝霆鋒, 愛情鬼片, 因為講跳舞, 所以睇埋落去, 竟然有yuri份!!! 小道消息仲話林嘉欣踢哂紫金冠的替身是congo喎!

上星期六看香港舞蹈團的《如夢令》, 集合了幾位女編舞, 以中國舞的道具: 扇子、水袖、劍、手巾和傘串連。不過, 其實好幾隻舞都看過(又其實差不多全部舞作都是舊作新編), 新鮮感自然大減。

開場的是梅卓燕的舊作《花葬》,利用了舞台的深度, 長長的縐布彎彎從台後方鋪到前方, 如小河淌水, 女舞者獨抱粉紅色的長布, 如新娘子的頭紗, 寂寞新娘的愁思。第二段是賴文慧的《扇》, 手腕一轉, 半透明的白扇如朵朵曇花。第三段也是扇, 是余碧艷的《生於死以前》, 開場有點氣勢 (甚至有點嚇人, 男女舞都聚在台中, 燈光一亮, 音樂一響, 嚇到我旁邊個阿姐成個人差點彈起), 舞有快板, 有慢板, 有群舞, 有逐個獨舞, 幾standard的編法。再來是水髮, 都是余碧艷編, 全男班, 仿京劇穿極鮮藍和粉紅系的水衣(好似係咁叫), 跳到一半,脫去鮮色的外衣(好像有些寓意), 最後獨剩一個,除下那個水髮的帽子, 背台面向光明。跟著是梅卓燕和盛培琪合編的水袖, 因為看過, 所以將水袖的輕柔化為剛力, 不覺太驚喜。下一段盛培琪編的劍舞, 雖然是男首席擔場, 卻沒留啥印象。當眼前再一亮時, 出場的還以為是甚麼現代舞團的表現, 眾舞者在明暗不定的台後方逐漸見其身影, 好modern. 而賴文慧這段手巾排得好jazz。壓軸又是小梅的, 此舞前生是《花落知多少》,再前生是《獨步》, 穿綠衣的舞者嬉弄著遍地黃色紙碎, 一時像小孩子躺下滑過去, 一時把紙碎一堆一堆投在旋轉的傘內, 看得人很歡喜,巴不得一起玩呢!

舞與舞之間的連接也花過心思, 黃磊似乎當了一個連接的人物; 第一段他打著傘子走過, 與尾段呼應。當然最震撼的莫過於白幕逐塊快速的放落,接著墜下, 效果很強烈, 但強烈到又似乎太理所當然了。

完場後, 多數朋友都覺得賴文慧的兩段好看, 我不是覺得不好看, 獨立分開看是不錯(雖然有點「糖衣」), 可是安插在其他作品當中, 總認為打斷了整場節目的聯繫, 尤其是尾二的手巾, 氣氛好似演唱會最後一隻舞, 舞蹈員統統在台上太跳特跳show quali的感覺 (結尾時有觀眾拍掌以為完場)。節目分類為舞蹈詩, 雖不講情節內容, 但應該追求一種意境, 才讓人覺得有詩意。剛剛建立到的一種空靈氣氛, 正正被這段舞抹煞了。 

p.s.1 葵青劇院真係好遠, 聽聞某舞團想將之變為一舞蹈中心, 如果次次都要去到咁鬼遠睇, 我就覺得唔係咁方便, 其實會唔會得到反效果呢?

p.s.2 作為一個大團, 為甚麼接受翻炒? 所有作品都是編舞者的舊作「加工」, 不可以編新的嗎?

早幾天碰到一個好久不見的朋友, 通常我問她的第一個問題便是:「去邊度旅行返來呀?」她的答案永遠都令人O咀的, 例如「去完印度兩個月」或者「去完雲南N個星期」, 今次她的答案係「去完非洲三個月」。我好服佢, 冇番咁上下的膽量真係唔得, 唔係話夠唔夠膽去d發展中國家,係要放咁耐去旅行, quit左份工, 你敢唔敢?
不過, 最令人羨慕(妒忌)係佢有一個同佢一樣咁有「膽量」既男朋友, 一齊勇闖天涯。唔知點解, 總覺得佢地好似一對浪蕩江湖的俠侶呢!

原來成半年冇掂過個blog, 實在太忙了, 我都係要勤力d先得。點解咁忙, 又去旅行, 又出trip, 今年都幾驛馬星動呀!

看了明哥與HKPO的《電幻音樂會》,沒預期的好看, 不知是否要遷就樂隊, 明哥把聲又唔係太開,  聽得好辛苦, 好似隔住層紗。而且, 今次多唱別人的歌和一些冷門歌, 氣氛沒有一般流行演唱會般熱烈。最正都係d衫, 閃電藍James Bond、濺血白西裝和背負十字架出場, 真係明哥先carry得到！

p.s.朋友仔個朋友仔影o左唔少靚相:
http://www.pbase.com/clockwork/hkpo

藝術節又開鑼！今年看的節目不多，雲門舞集的行草三部曲也因年前已看過《行草》，又因台灣朋友的一句說話（忠告），放棄了《行草二》，只買了《狂草》。說不好看嗎？舞蹈員把雲門的獨門「舞功」發揮得淋漓盡致，不只動律，甚至連一呼一吸，其一致性令你感覺不到個體的存在，他們是一個整體，一個有機的生命體。舞蹈員的一舉一「頓」，穩又「到」，隱然透出書法那種間構及空間美。但說很好看嗎？又未至嘩嘩聲。佈景、服裝、燈光和音樂平淡如水，至少《行草》一幅光影書法大布幕和橫跨舞台如抒卷的燈光設計，叫人印象深刻。今次的幾幅掛紙，上上落落，看不出有甚麼鋪排，純為間隔。那些蟬聲、風聲、海浪聲，偶爾幾下暮鼓或風鈴聲......說真的，幾好訓！

老友M有Preview戲票, 昨晚九點半, Pride and Prejudice。第一時間想「不是嘛！傲慢與偏見？文學名著？文藝片（仲要係十級個隻), 會唔會好悶架？」Well, 咁唔使錢又睇下冇蝕底既!
女主角原來係《真的戀愛了》位靚女, 都好, 夠醒神! (大銀幕愛情故事冇返一兩個俊男美女點得!)。老實講原著真係未睇過(連中文譯版都未掂過), 但睇完套戲, 即刻想借本原著由頭睇到尾, 因為對白實在正! 完全係個種轉彎抹角, 踩你唔知, 鬧你唔覺的英式尖酸, 就算示愛求婚也別出心裁!
雖然故事係百年前, 但當中刻劃的男女愛情心態跟現代冇分別, 睇得有共鳴又感慨, 過左咁多年, 女人的終極事業 / 成就都係搵返個好歸宿......
講返套戲, 我覺得casting唔錯, 女主角靚之餘有種慧黠既氣質, 男主角唔算靚仔, 但深沉得來你會信佢係個深情好男人, 其他side cast如女主角的家人, 男主角的好友和其妹都好好, 唯是女主角的家姐唔夠靚, 話係小鎮第一美女, 就爭左少少信服力囉!

朋友推介, 上星期六看了《木偶迷城》(Strings)。全套電影都是以扯線木偶做主角, 故事一般希臘式的王子復仇記:阿父皇屠城滅族, 老來受良心責備, 愧而自殺。皇叔掩飾真相, 慫恿王子尋敵對族人報仇, 而其則乘機奪位, 王子後來又發現敵人首領竟是邂逅的美女......劇情其實幾易估, 整套戲設想最奇的是木偶不是扮人, 而是木偶意識自己係有生命的木偶, 它的生命就是strings, 斷了便會死。於是其生其死其自由, 都是繫於繩上。但原來要得到真正的自由, 要靠愛; 要得到真正的生命, 是捨棄。
不過最厲害的還要算是操控木偶的技術, 緩慢的臉部轉向, 加上鏡頭運用, 木口木面的木偶似人般表現出各種表情, 而大動作如被綑倒吊掙扎, 揮劍打架都做得好好, 甚至乎連游水都得, 真不到你不服!

P.S.:想起在布拉格見過一個天使木偶, 好靚好靚, 不過太貴要成二千元, 當時不捨得買, 但到宜家都仲念念不忘, 唉! 得不到的總是最好的! 

很久沒煲過劇（始終韓劇不是我那杯茶），朋友借了我一套日劇叫《Slow Dance》，趁假期便煲了。這套戲應該是上年的「月九」，陣容也可真不俗，男女主角是妻夫木聰和深津繪理，第二男女主角是藤木直人和廣末涼子，看cast其實可以拍兩套愛情劇呢。
看完有點失望，無論主題、角色和劇情，實實在在與《Long Vocation》太太太相似：又是姊弟戀，男主角又是優柔寡斷的小男生，女主角又是說話直率的老大姐，一開場又是給人甩了，男女主角又是有心儀的對象，兩人常互相傾訴，因此產生感情，男主角又是在女主角鼓勵之下，沒放棄夢想......如此熟口熟面的情節，無可避免地邊看邊比較，但先入為主，怎看也是LV讓人感動得多！唉！想當年，LV我看了不下三次......

年廿九，和朋友去看《魔幻王國　獅子．女巫．魔衣櫥》，這套戲是根據C.S.Lewis的小說改編。雖然是一套「魔幻」片，但一位朋友跟我說，其實是一套基督教電影－－獅子王便是耶穌。獅子所遇到和所作的，隱隱與耶穌的事蹟很相似。
電影的節奏有點慢，原著想像力不是那麼天馬行空，而且有《魔戒》和《哈利波特》在前，會說話的動物、半人半獸、單眼巨人等，便不算太稀奇，白女巫的魔法亦很「平庸」，因此也就不覺得CG很厲害了。
不過，也開心有這樣的一部片子，在魔法片那麼「當道」的時候，能有一部以魔法片包裝、說教味又不濃的的基督教電影，也算是一種對「魔界」的反擊。